Katika ulimwengu wa leo, kuwa na uhuru wa kifedha imekuwa ni ndoto ya watu wengi. Ni matumaini yangu kuwa hata wewe una ndoto za kuwa na uhuru wa kifedha. Lakini, ili kufikia ndoto hii, ni muhimu kuwa na mpango madhubuti wa kuweka akiba na kuwekeza. Katika makala hii nitakushirikisha hatua kwa hatua jinsi ya kuweka akiba na kuwekeza ili uweze kufikia uhuru wa kifedha.
Uhuru wa Kifedha ni nini?
Uhuru wa kifedha maana yake ni kuwa na rasilimali za kutosha kufanya maamuzi ya maisha bila wasiwasi wa kupungukiwa au kuishiwa na fedha. Hii inamaanisha kuwa, unakuwa na akiba ya kutosha, uwekezaji unaokua, na kadhalika. Ili uweze kuwa na uhuru wa kifedha, kuna hatua muhimu ambazo unapaswa kuzichukua na kuzifanyia kazi. Hatua hizo ni hizi zifuatazo:
Kuweka Akiba na Uwekezaji: Hatua za Kuelekea Uhuru wa Kifedha.
Hatua ya 1: Tathmini Hali Yako ya Kifedha.
Jambo la kwanza kabisa unalotakiwa kuanza nalo ni kutathmini hali yako ya kifedha. Andika mapato yako, matumizi, madeni, na akiba. Hii itakupa picha halisi ya wapi ulipo na utajua ni hatua gani za kuchukua.
Hatua ya 2: Weka Malengo ya Kifedha.
Baada ya kuwa umetathmini hali yako ya kifedha na kugundua hali yako halisi ya kifedha, hatua inayofuata ni kuweka malengo yako ya kifedha. Weka malengo mahususi ya kifedha unayotaka kufikia. Haya yanaweza kuwa malengo ya muda mfupi, kama vile kuweka akiba ya dharura, au malengo ya muda mrefu, kama vile kustaafu kwa amani.
Hatua ya 3: Punguza Matumizi Yasiyo ya Lazima.
Baada ya kuwa umetambua hali yako hilisi ya kifedha, hatua inayofuata ni kupunguza matumizi yasiyo ya lazima. Angalia matumizi yako na tafuta njia za kupunguza gharama zisizo za lazima. Hii inaweza kujumuisha kupunguza gharama za anasa, kupunguza matumizi ya vocha za simu, au kutumia usafiri wa umma. Hapa jambo la msingi ni kuangalia mambo yote ambayo siyo ya lazima ambayo unaweza kuyapunguza ili kuokoa pesa ambayo utaiweka akiba.
Hatua ya 4: Anza Kuweka Akiba.
Baada ya kuwa umepunguza matumizi yasiyo ya lazima, hatua inayofuata ni kuweka akiba. Anza kuweka akiba mara moja. Hata kama ni kiasi kidogo, kuanza ni hatua muhimu. Weka akiba katika akaunti ambayo haitumiki kwa matumizi ya kila siku. Kwa mujibu wa kitabu cha The Richest Man In Babylon, mwandishi ameshauri kuwa, kila kipato unachopata, hakikisha unatenga kuanzia asilimia 10 kwa ajili ya kuweka akiba ili uweze kufikia uhuru wa kifedha. Mada hii nimeielezea kwa kina kwenye makala yangu ya tiba 7 za umaskini na Sheria 5 za kuwa tajiri.
Hatua ya 5: Jifunze Kuhusu Uwekezaji.
Lengo la kuweka akiba ni ili upate pesa kwa ajili ya kuwekeza. Uwekezaji ni njia ya kukuza akiba yako. Jifunze kuhusu aina mbalimbali za uwekezaji, kama vile hisa, hati fungani (bonds), uwekezaji wa pamoja (mutual funds), ardhi na majengo (real estate) na miradi ya kibiashara. Kabla ya kuanza tafuta ushauri kutoka kwa wataalamu wa fedha.
Hatua ya 6: Anza Uwekezaji.
Chagua uwekezaji unaokufaa kulingana na malengo yako ya kifedha na uvumilivu wa hatari. Anza kwa kiwango kidogo na ongeza taratibu kadri unavyojifunza zaidi.
Kuelekea uhuru wa kifedha ni safari, siyo mbio. Kwa kufuata hatua hizi, unaweza kujenga msingi thabiti wa kifedha utakaokuwezesha kufikia malengo yako. Kumbuka, nidhamu na uvumilivu ni muhimu katika safari hii.
Ni matumaini yangu umepata maarifa ya kutosha kukuwezesha kuanza kuweka akiba na kuwekeza ili uweze kufikia uhuru wa kifedha. Kama una swali lolote usisite kuandika hapa chini. Pia unaweza kuwasiliana nami kupitia simu namba 0752 081669. Asante sana na karibu katika makala zinazofuata.
Katika somo lililopita tuliangalia Jinsi Ya Kufanya Utafiti Wa Wateja Wako. Nilikuelezea kwa kina kanuni rahisi ambayo itakusaidia kufanya utafiti na kugundua mahitaji ya wateja wako kabla ya kuanzisha biashara mtandaoni. Kanuni hii inaitwa P.L.A.N. Unaweza kupitia kanuni hii kwani nimeielezea kwa kina kwenye somo langu lililopita. Sasa, baada ya kuwa umefanya utafiti na kugundua mahitaji ya wateja wako, hatua inayofuata sasa ni kuchagua aina ya biashara ambayo utaifanya ili uweze kutatua matatizo ya wateja wako na kutengeneza kipato. Katika somo la leo nitakushirikisha Jinsi ya kuchagua aina ya biashara yako (Positioning Your Business Idea).
Jinsi ya kuchagua aina ya biashara yako (Positioning Your Business Idea).
Kama tulivyoona katika somo lililopita, ili uweze kufanikiwa kwenye biashara yako yoyote, ni lazima biashara yako ijikite katika kutatua matatizo ya watu. Hivyo sasa katika hatua hii unatakiwa kufikiria ni aina gani ya biashara ambayo ukiifanya itaweza kutatua matatizo ya wateja wako watarajiwa.
Kwa mfano, katika masomo yaliyopita, tulichukulia mfano wa biashara ambayo tutaifanya mtandaoni kuwa ni biashara ya Ushauri wa Kibiashara. Na pia tuliainisha matatizo ambayo tutatatua kwenye biashara hii kuwa ni jinsi ya kuanzisha biashara. Hivyo baada ya kuwa umetambua matatizo ya wateja wako, sasa unapaswa kufikiria aina ya biashara ambayo utaifanya ili uweze kutatua matatizo yao. Kuna aina nyingi za biashara ambazo unaweza kuanzisha ili uweze kutatua matatizo ya wateja wako. Miongoni mwa aina hizo za biashara ni hizi zifuatazo:
1.Kutoa huduma ya ushauri wa kibiashara.
Unaweza kuanzisha biashara ya kutoa huduma ya ushauri wa kibiashara ili watu wote wenye changamoto waweze kupata suluhisho la matatizo yao kwa kupata huduma ya ushauri.
2.Kuandaa mafunzo ya mtandaoni ya Jinsi ya kuanzisha biashara.
Unaweza kuandaa mafunzo ya mtandaoni ya jinsi ya kuanzisha biashara ili watu wenye changamoto hiyo waweze kujifunza. Jambo la kufurahisha ni kuwa, unapokuwa unafanya biashara mtandaoni, unakuwa ukitatua matatizo ya watu wakati huohuo wakikulipa kwa huduma unayowapatia.
3.Kuandaa vitabu pepe (e-books).
Pia unaweza kuandaa kitabu pepe chenye mada ya Jinsi ya kuanzisha biashara na ambacho kinatatua changamoto za wateja wako na ukawauzia.
Ni matumaini yangu kuwa umepata maarifa ya kutosha kukuwezesha kuanzisha biashara yako mtandaoni. Kama una swali au maoni, usisite kuandika hapa chini. Pia unaweza kuwasiliana nami kupitia simu namba 0752 081669. Asante sana na karibu katika somo linalofuata.
Katika somo lililopita tuliangalia Jinsi Ya Kugundua Biashara Unayopaswa Kufanya Mtandaoni. Nilikuelezea kwa kina kanuni rahisi kabisa ambayo ukiitumia itakusaidia kugundua wateja wako watarajiwa wa biashara yako ya mtandaoni. Kanuni hii inaitwa PPP au 3P. Unaweza kupitia kanuni hii kwani nimeielezea kwa kina kwenye somo langu lililopita. Sasa, baada ya kuwa umegundua biashara unayopaswa kuanzisha mtandaoni, hatua inayofuata ni kufanya utafiti wa wateja wako ili uweze kufahamu mahitaji yao. Katika somo la leo nitakushirikisha kanuni nyingine ya Jinsi Ya Kufanya Utafiti Wa Wateja Wako (Researching Your Customers). Kanuni hiyo inaitwa P.L.A.N.
Jinsi Ya Kufanya Utafiti Wa Wateja Wako (Researching Your Customers).
Katika somo lililopita tuliangalia jinsi ya kugundua biashara unayopaswa kuanzisha mtandaoni. Na katika somo lililopita tulichukulia mfano wa biashara ambayo tulikuwa tumeipata kuwa ni biashara ya Ushauri wa Kibiashara. Katika somo la leo tutaangalia jinsi ya kufanya utafiti wa wateja wako kwenye hii biashara unayotaka kuanzisha. Ili uweze kufahamu mahitaji ya wateja wako, kanuni rahisi unayoweza kuitumia ni P.L.A.N. Kanuni hii ni ufupisho wa maneno matatu ya Kingereza ambayo ni P-PROBLEM ,LA-LANGUAGE, na N-NEEDS (Customer’s needs). Sasa. tuanze kuchambua kwa kina jinsi ya kufanya utafiti wa wateja wako kwa kutumia kanuni hii.
P-PROBLEM- Matatizo ya wateja.
Hatua ya kwanza kabisa ni kuangalia matatizo au changamoto ambazo wateja wako watarajiwa wanazo. Hii ni kwa sababu, matatizo ya wateja wako ndiyo msingi halisi wa biashara yako. Hivyo unatakiwa kuangalia wateja wako watarajiwa wanapitia matatizo gani. Kumbuka kuwa, lengo la kuanzisha biashara mtandaoni ni kutatua matatizo ya watu. Pesa itakuja kama matokeo ya baadaye. Hivyo, ili uweze kufanikiwa kwenye biashara yako, jikite zaidi katika kutatua matatizo ya wateja wako. Utakapoweza kutatua matatizo ya wateja wako, nakuhakikishia kuwa pesa itakuja tu.
Ili uweze kufahamu matatizo ya wateja wako, ingia Google na uangalie blog, majukwaa na channel mbalimbali za YouTube zinazotoa mafunzo ya kibiashara ili waweze kuangalia watu wanauliza na kuchangia nini. Komenti mbalimbali za watembeleaji ndiyo changamoto au matatizo wanayokutana nayo katika maisha yao. Hivyo, tumia maoni na maswali ya watu wanayouliza ili kuweza kuanzisha biashara ambayo itajikita kutatua matatizo yao.
LA-LANGUAGE- Lugha wanayotumia.
Baada ya kuwa umetambua matatizo yao, jambo linalofuata ni kuainisha aina ya watu unaoenda kuwahudumia. Je wanatumia lugha gani? Hapa utazingatia umri wao, jinsia na kadhalika. Kama unaenda kuhudumia vijana, hakikisha unatumia lugha inayoendana na rika lao. Hali kadhalika wazee, wanawake na makundi mengine. Kumbuka kuwa ili uweze kufanya biashara mtandaoni ni lazima kwanza utengeneze mahusiano na wateja wako watarajiwa. Hivyo, ukitumia lugha yao waliyoizoea, itakuwa rahisi kujenga nao mahusiano na hivyo kuwa tayari kupokea huduma yako.
N-NEEDS – Mahitaji ya wateja.
Baada ya kuwa umetambua matatizo ya wateja wako watarajiwa na kufahamu lugha yao, hatua inayofuata ni kuangalia mahitaji yao. Kimsingi, mahitaji ya wateja wako watarajiwa yatatokana na matatizo waliyonayo. Kwa mfano, kama wateja wako wana changamoto ya jinsi ya kuanzisha biashara, basi, hitaji lao litakuwa ni elimu ya jinsi ya kuanzisha biashara. Unaweza kuwapatia elimu kwa kuandaa kozi au kitabu pepe ambacho utawauzia na kadhalika.
Nimetumaini yangu kuwa umepata maarifa ya kutosha ambayo yatakusaidia kufanya utafiti wa wateja wako watarajiwa. Kama una swali au maoni yoyote usisite kuandika hapa chini. Pia unaweza kuwasiliana nami kupitia 0752 081669. Asante sana na karibu katika somo linalofuata.
Katika somo lililopita la jinsi ya kupata wazo bora la biashara, nilielezea kanuni bora kabisa ya 7/7/7 ambayo ukiitumia inakuwezesha kupata mawazo mbalimbali mbalimbali ambayo yatakusaidia kuanzisha biashara yako ya mtandaoni. Kanuni hiyo ilikuwa na kazi ya kukupatia mawazo mbalimbali ambayo kupitia mawazo hayo uweze kupata wazo moja zuri ambalo utaanzishia biashara yako ya mtandaoni. Katika somo la leo tutaangalia Jinsi ya kugundua biashara unayopaswa kufanya (Discovering your niche).
Jinsi ya kugundua biashara unayopaswa kufanya mtandaoni (Discovering your niche).
Katika somo lililopita nilielezea kanuni ya 7/7/7 ambayo inakusaidia kupata mawazo mbalimbali ambayo yatakuwezesha kupata wazo moja la biashara. Katika kanuni hiyo, inakutaka kuorodhesha matatizo au changamoto 7 ambazo huwa unakabiliana nazo au watu wengine wanakabiliana nazo. Kisha unaorodhesha mambo 7 unayoyapenda (passions) halafu unamalizia na mambo 7 unayoyahofia( fears). Hivyo unakuwa umepata mambo 21 ambayo unaweza kuyatumia kuanzishia biashara mtandaoni. Unaweza kupitia somo hilo ili uweze kujifunza zaidi.
Katika somo la leo tutaangalia jinsi ya kuchagua wazo moja bora kati ya mawazo ishirini na moja ambayo utakuwa umeorodhesha.
Kanuni ya PPP.
Ili uweze kupata wazo bora ambalo utaanzishia biashara yako mtandaoni, tumia kanuni ya PPP au 3P. Kanuni hii inakuwezesha kupima wazo unalotaka kuanzisha biashara yako.Hii ni kanuni ambayo inakuwezesha kupima soko (market map). Kanuni hii ya PPP ni ufupisho wa maneno matatu ya Kingereza ambayo ni P-Place, P-People, na P-Products.
Jambo la kwanza kabisa unapotaka kutumia kanuni hii, unapaswa kuchagua wazo moja ambalo utakuwa umelipenda zaidi kati ya yale mawazo ishirini na moja. Kwa mfano, katika mawazo yangu ambayo niliyaandika kwenye somo lililopita, mimi ninachagua wazo moja ambalo ni Ushauri wa Kibiashara.
Hatua inayofuata sasa ni kutumia kanuni ya PPP kuweza kuangalia kama wazo langu linafaa kuanzishia biashara mtandaoni.
1.P- Place.
Hapa unaangalia sehemu mbalimbali mtandaoni ambazo watu wanafundisha mada unayotaka kufundisha. Hapa utaingia Google na kutafuta ushauri wa Kibiashara. Kwa kutumia Google, utaweza kuona blog mbalimbali ambazo zinafundisha na kutoa ushauri wa kibiashara, majukwaa (forums) mbalimbali zinazofundisha maarifa hayo pamoja na kurasa mbalimbali za mitandao ya kijamii. Kupitia blog, majukwaa mbalimbali na kurasa mbalimbali za mitandao ya kijamii, utaweza kuona kile wanachofundisha na komenti mbalimbali ambazo watu wanauliza.
Kwa kuwepo kwa blog, majukwaa na kurasa mbalimbali zinazofundisha mada unayofundisha, tafsiri yake ni kuwa soko lipo. Hivyo unachotakiwa kuchunguza ni kuangalia mada wanazofundisha. Unaweza kuangalia mada ambazo hawajazitilia mkazo na wewe ukazifundisha. Pia unaweza kuangalia mada ambazo zina mapungufu na wewe ukazifundisha kwa ubora wa hali ya juu.
2.P-People. Kama nilivyoeleza katika kipengele cha place, hapa unaorodhesha watu wanaomiliki blog, majukwaa na kurasa za mitandao ya kijamii zinazofundisha ujuzi au maarifa ambayo unataka kufundisha. Lengo la kuwa na orodha hiyo ni kuwa, unaweza kuwatumia huko mbeleni katika safari yako ya biashara mtandaoni.
3.P-Products.
Katika kipengele hiki, ingia mtandaoni kupitia Google na uangalie bidhaa na huduma mbalimbali ambazo zinaendana na ujuzi ambao unategemea kufundisha. Unaweza kuangalia vitabu, huduma au kozi mbalimbali ambazo tayari zipo sokoni. Hii itakusaidia kuamua wewe utakuwa unaandaa na kuuza bidhaa za aina gani ambazo zitaendana na ujuzi wako.
Ni matumaini yangu umepata maarifa ya kutosha kukuwezesha kufanikiwa kuanzisha biashara mtandaoni. Ninaomba na wewe sasa uniandikie kwenye sanduku la maoni wazo ambalo unafikiri litakufaa kuanzisha biashara yako ya mtandaoni.
Kama una swali lolote usisite kuandika hapa chini. Pia unaweza kuwasiliana nami kupitia simu namba 0752 081669. Asante sana na karibu katika somo linalofuata.
Ikiwa wewe ni kama watu wengine wanaotarajia kumiliki biashara mtandaoni, unaweza kuwa na mawazo mengi sana ya aina ya biashara unazotaka kuanzisha au inawezekana ukawa hauna wazo lolote. Vyovyote vile iwavyo, somo hili litakusaidia jinsi ya kutafuta wazo bora la biashara yako ya mtandaoni. Tutaangalia jinsi ya kupata wazo bora kwa kutumia zoezi rahisi la 7/7/7.
Jinsi ya kupata wazo bora la biashara yako ya mtandaoni kwa kutumia zoezi rahisi la 7/7/7.
Katika somo hili tutafanya zoezi rahisi na la kufurahisha sana ambalo litakusaidia kugundua wazo la kuchagua kwenye biashara yako unayotarajia kuanzisha mtandaoni. Zoezi hili litakusaidia sana kama haujui mahali pa kuanzia kupata wazo bora la biashara yako. Lakini pia hata kama una rundo la mawazo kichwani kwako, zoezi hili litakusaidia kukupunguzia mawazo hayo na hivyo kubaki na mawazo machache ambayo utayafanyia kazi.
Sasa, zoezi hili linaitwa zoezi la 7/7/7. Madhumuni halisi ya zoezi hili ni kuangalia matatizo saba, matamanio (passion) saba, na hofu saba. Ili Uweze kufanikisha zoezi hili, chukua kalamu na karatasi. Anza kwa kufikiria na kuorodhesha changamoto au matatizo saba ambayo huwa unakabiliana nayo au watu wengine wanakabiliana nayo. Baadaye orodhesha mambo saba unayopenda kuyafanya (passion) halafu umalizie na mambo saba ambayo unahisi huwa yanakupa hofu kwenye maisha yako.
Sasa, nitatoa mifano ya jinsi ya kufanya zoezi kwa kuorodhesha mifano ya matatizo saba, passion saba pamoja na mambo saba unayoyahofia.
Matatizo au Changamoto saba.
Hapa ni baadhi ya matatizo ambayo unaweza kutumia kama mawazo ya kuanzisha biashara mtandaoni:
1.Uhalifu wa mtandao: Watu wengi wanahofia usalama wao na faragha yao wanapotumia intaneti. Unaweza kutoa huduma za ushauri, elimu, au ulinzi dhidi ya udukuzi, utapeli, wizi wa taarifa, au mashambulizi mengine ya kimtandao.
2.Afya ya akili: Watu wengi wanakabiliwa na dhiki, uchovu, wasiwasi, au matatizo mengine ya afya ya akili kutokana na maisha ya kisasa. Unaweza kutoa huduma za ushauri nasaha, kufundisha, au kusaidia watu kujenga tabia nzuri za afya ya akili.
3.Lishe na mazoezi: Watu wengi wanataka kula chakula cha afya na kufanya mazoezi, lakini wanakosa muda, fedha, au hamasa. Unaweza kutoa huduma za upishi, ushauri wa lishe, mpango wa mazoezi, au kufuatilia maendeleo ya wateja wako.
4.Elimu na ujuzi: Watu wengi wanataka kujifunza mambo mapya, kuboresha ujuzi wao, au kupata vyeti au shahada. Unaweza kutoa huduma za kufundisha, kutoa kozi, au kusaidia watu kupata rasilimali za elimu mtandaoni.
5.Kazi na kipato: Watu wengi wanatafuta kazi, kubadili kazi, au kuongeza kipato chao. Unaweza kutoa huduma za kuandika wasifu, kusaidia watu kupata kazi, au kutoa fursa za kazi za mtandaoni.
6.Burudani na ubunifu: Watu wengi wanatafuta njia za kujiburudisha, kujieleza, au kujenga jamii mtandaoni. Unaweza kutoa huduma za kutoa maudhui, kusimamia mitandao ya kijamii, au kuunda majukwaa ya kushiriki vipaji au maoni.
7.Mahusiano na mawasiliano: Watu wengi wanataka kuimarisha mahusiano yao na familia, marafiki, au wapenzi. Unaweza kutoa huduma za ushauri wa mahusiano, kusaidia watu kupata marafiki au wapenzi, au kuunda programu za mawasiliano. Haya ni baadhi tu ya matatizo ambayo unaweza kutumia kama mawazo ya kuanzisha biashara mtandaoni.
Passion saba.
Hapa ni baadhi ya passion ambazo unaweza kutumia kama mawazo ya kuanzisha biashara mtandaoni:
1.Uandishi: Kama unaipenda kazi ya uandishi, unaweza kuanzisha biashara ya kuandika makala, vitabu, blogu, au maudhui mengine kwa ajili ya wateja mbalimbali mtandaoni. Unaweza pia kuuza kazi zako mwenyewe kupitia tovuti yako au majukwaa mengine ya uchapishaji.
2.Usanii: Kama una vipaji vya usanii, unaweza kuanzisha biashara ya kuuza kazi zako za sanaa kama vile michoro, picha, muziki, video, au bidhaa nyingine za ubunifu mtandaoni. Unaweza pia kutoa huduma za kufundisha, kushauri, au kusaidia wateja wako kuboresha ujuzi wao wa usanii.
3.Ufundi: Kama una ujuzi wa ufundi, unaweza kuanzisha biashara ya kutoa huduma za ufundi kama vile kurekebisha, kusanifu, au kutengeneza vitu mbalimbali kwa wateja wako mtandaoni. Unaweza pia kuuza bidhaa zako za ufundi kama vile vifaa, samani, au mavazi mtandaoni.
4.Ualimu: Kama una passion ya kufundisha, unaweza kuanzisha biashara ya kutoa huduma za ualimu kama vile kufundisha lugha, masomo, ujuzi, au mambo mbalimbali kwa wateja wako mtandaoni. Unaweza pia kuuza kozi, vitabu, au vifaa vya kujifunzia mtandaoni.
5.Ushauri: Kama una passion ya kushauri, unaweza kuanzisha biashara ya kutoa huduma za ushauri kama vile ushauri wa kibiashara, kifedha, kisheria, kisaikolojia, au kijamii kwa wateja wako mtandaoni. Unaweza pia kuuza vitabu, programu, au vifaa vya huduma hiyo mtandaoni.
6.Uuzaji: Kama una passion ya uuzaji, unaweza kuanzisha biashara ya kuuza bidhaa au huduma mbalimbali kwa wateja wako mtandaoni. Unaweza pia kutoa huduma za kutafuta masoko, kusimamia mauzo, au kukuza biashara za wateja wako mtandaoni.
7.Burudani: Kama una passion ya kuburudisha, unaweza kuanzisha biashara ya kutoa huduma za burudani kama vile kuigiza, kuimba, kucheza, au kuchekesha wateja wako mtandaoni. Unaweza pia kuuza kazi zako za burudani kama vile video, muziki, au vitabu mtandaoni. Hizi ni baadhi tu ya passion ambazo unaweza kutumia kama mawazo ya kuanzisha biashara mtandaoni.
Hofu saba.
Hapa ni baadhi ya hofu ambazo unaweza kutumia kama mawazo ya kuanzisha biashara mtandaoni:
1.Hofu ya kushindwa: Watu wengi wanahofia kuanzisha biashara mtandaoni kwa sababu ya kukosa uzoefu, ujuzi, au mtaji wa kutosha. Unaweza kutoa huduma za kufundisha, kushauri, au kuhamasisha watu kuhusu jinsi ya kuanzisha na kuendesha biashara mtandaoni kwa ufanisi.
2.Hofu ya kudanganywa: Watu wengi wanahofia kununua bidhaa au huduma mtandaoni kwa sababu ya kukosa uhakika wa ubora, usalama, au uhalali wa wauzaji. Unaweza kutoa huduma za kuthibitisha, kupitia, au kudhamini wauzaji waaminifu na wenye sifa nzuri mtandaoni.
3.Hofu ya kutojulikana: Watu wengi wanahofia kujitangaza au kujieleza mtandaoni kwa sababu ya kukosa ujasiri, umaarufu, au uwezo wa kuvutia wateja. Unaweza kutoa huduma za kusaidia watu kujenga wasifu, kukuza mitandao, au kufikia hadhira kubwa mtandaoni.
4.Hofu ya kushambuliwa: Watu wengi wanahofia kutoa maoni, kushiriki taarifa, au kushirikiana na wengine mtandaoni kwa sababu ya kukabiliwa na ukosoaji, kejeli, au chuki. Unaweza kutoa huduma za kusaidia watu kujikinga, kujitetea, au kushughulikia mashambulizi ya kimtandao.
5.Hofu ya kuchelewa: Watu wengi wanahofia kupitwa na wakati, teknolojia, au ushindani mtandaoni kwa sababu ya kukosa taarifa, mabadiliko, au fursa mpya. Unaweza kutoa huduma za kusaidia watu kujifunza, kubadilika, au kubuni biashara mtandaoni zinazoendana na mahitaji ya sasa.
6.Hofu ya kupoteza: Watu wengi wanahofia kupoteza pesa, data, au wateja mtandaoni kwa sababu ya hitilafu, wizi, au ushindani. Unaweza kutoa huduma za kusaidia watu kuhifadhi, kurejesha, au kuongeza rasilimali zao za biashara mtandaoni.
7.Hofu ya kutengwa: Watu wengi wanahofia kupoteza mawasiliano, mahusiano, au jamii mtandaoni kwa sababu ya umbali, tofauti, au upweke. Unaweza kutoa huduma za kusaidia watu kuunganisha, kuboresha, au kuunda mawasiliano, mahusiano, au jamii mtandaoni.
Hizi ni baadhi tu ya hofu ambazo unaweza kuzitumia kama mawazo ya kuanzisha biashara mtandaoni.
Nimatumaini yangu sasa umefahamu jinsi ya kufanya zoezi la 7/7/7 ambalo litakusaidia kupata wazo la kuanzisha biashara mtandaoni. Hivyo ninaomba na wewe sasa ufanye zoezi hili kwa kuorodhesha matatizo saba, passion saba pamoja na hofu saba ambazo zitakuwezesha kugundua wazo bora la biashara mtandaoni. Ninaomba unishirikishe kwa kuandika kwenye sanduku la maoni hapa chini.
Kumbuka kuwa mawazo haya ni kama mbegu ya kutusaidia kupata wazo bora la biashara lakini bado hatujachagua wazo ambalo tutalitumia kuanzisha biashara mtandaoni. Katika masomo yanayofuata tutaangalia jinsi ya kuchambua mawazo haya ili kupata wazo bora sasa ambalo litatusaidia kuanzisha biashara mtandaoni. Asante sana na karibu katika somo linalofuata.
Kabla ya kujenga biashara yenye mafanikio, jambo la kwanza kabisa tunapaswa kwanza kuelewa ni nini kinafanya biashara kufanikiwa. Katika somo la hili la pili nitakushirikisha jinsi ya kutambua Biashara inayolipa mtandaoni. Somo hili litaweka msingi wa masomo yangu mengine yanayofuata katika mfululizo wa masomo haya ya Jinsi ya kuanzisha biashara mtandaoni.
Biashara inayolipa mtandaoni na yenye mafanikio ni ipi?
Kuna biashara za aina nyingi mtandaoni na nje ya mtandao. Kuna nyingine zimefanikiwa na nyingine hazijafanikiwa. Hivyo, kabla ya kuanzisha biashara yoyote mtandaoni ni lazima utambue ni biashara gani itakulipa na kukuletea mafanikio.
Kimsingi, biashara inayolipa na yenye mafanikio sana ni biashara ambayo imejikita katika kutatua tatizo fulani katika jamii. Hivyo, biashara zote zilizofanikiwa hutatua matatizo au changamoto zilizopo katika jamii.
Katika somo linalofuata ambapo tutaangalia Jinsi ya kutafuta wazo bora la biashara yako ya mtandaoni, nataka na wewe pia ufikiria ni matatizo gani makubwa yaliyopo kwenye jamii na ni kwa jinsi gani unaweza kuyatatua. Hiyo ndiyo siri kubwa iliyopo kwenye biashara zote zilizofanikiwa.
Watu wote wanaoanzisha na kufanikiwa kwenye biashara zao wanatatua changamoto au matatizo yaliyopo kwenye jamii fulani na wanafanya hivyo kwa njia tofauti kama ifuatavyo:
1.Kuuza bidhaa.
Watu waliofanikiwa kwenye biashara, wengine huuza bidhaa ambazo zinawasaidia watu kutatua matatizo yao. Hivyo, kama utaamua kuuza bidhaa mtandaoni ni lazima kwanza ufahamu unalenga watu wenye matatizo gani.
2.Kutoa huduma.
Watu wengine wamefanikiwa kwenye biashara ya mtandaoni kwa kujikita katika kutoa huduma inayolenga kutatua tatizo fulani katika jamii. Mfano: huduma za ushauri wa kifedha, huduma za ushauri wa kiafya, huduma za ushauri wa kisaikolojia na huduma zingine nyingi.
3.Kufundisha ujuzi au utaalamu.
Wengine wamefanikiwa kwenye biashara za mtandaoni kwa kujikita kufundisha ujuzi au utaalamu wao waliojifunza chuoni au mtaani. Ujuzi ambao unahitajika ili kutatua tatizo fulani katika jamii.
4.Kutoa habari.
Watu wengine wamefanikiwa mtandaoni kwa kutoa habari ambazo jamii inazitafuta. Watu wanakuwa na tatizo la kukosa taarifa sahihi, hivyo wao wanatatua changamoto hiyo kwa kuwapatia taarifa sahihi. Hivyo, kuna aina tofauti nyingi za biashara huko nje, lakini kimsingi zote zinasuluhisha au kutatua tatizo fulani. Kupitia kutatua matatizo yaliyopo kwenye jamii, biashara hizo pia hutengeneza pesa.
Jambo la msingi kabla ya kuchagua biashara ya kufanya: Kuwa na shauku (Passion).
Inawezekana ukawa una biashara inayolipa kama nilivyoeleza hapo juu, lakini kama biashara hiyo hauipendi au hauna shauku (passion), mafanikio yako yatakuwa magumu sana. Jambo la msingi hapa ni kuchagua biashara unayoipenda. Lazima kuwe na shauku mahali fulani. Kama ni kwenye kitu, soko ambalo unaingia, au kwa madhumuni ya kweli ya kuwahudumia watu.
Kuna wajasiriamali wengi ambao wamefanikiwa kwa nje.Kwa mfano, wana wafanyakazi wengi, wana wateja wengi, wanapata pesa nyingi, lakini kwa kweli hawafurahii kile wanachofanya tena. Hawana shauku tena, bila shaka biashara za aina hiyo huwa zinakufa. Hivyo hatutaki hilo litokee. Katika mfululizo wa masomo haya, nitakushirikisha jinsi ya kuwa na biashara inayolipa mtandaoni na ambayo utakuwa unapenda kuifanya na hivyo kukupatia furaha katika maisha yako.
Katika somo linalofuata tutaangalia somo linalohusu Jinsi ya kutafuta wazo bora la biashara yako ya mtandaoni. Kama una swali au maoni usisite kuandika hapa chini. Asante sana na karibu katika somo linalofuata.
Karibu mpendwa msomaji wangu katika mfululizo wa masomo haya ya Jinsi ya kuanzisha biashara mtandaoni. Katika masomo haya ambayo yanaanza leo, nitaelezea hatua kwa hatua jinsi ambavyo unaweza kuanzisha biashara yako mtandaoni na ukatengeneza kipato.
Katika masomo haya nitaelezea mambo mengi yakiwemo: Jinsi ya kuchagua wazo la biashara yako. Hii itakuwa ni sehemu ya kwanza kabisa. Na kisha nitaelezea jinsi ya kupima soko la biashara yako na hivyo kuwa na uwezekano wa kuuza. Kuangalia soko kwa ujumla itakusaidia kupata uelewa wa jinsi utakavyoingia katika soko la mtandaoni ukiwa na kitu cha kipekee na hivyo kukufanya ujulikane na kuliteka soko.
Katika masomo haya tarajia kufanya mazoezi machache ili kufahamu wazo bora la biashara yako, hii ni kwa sababu, mara nyingi tunaweza kuwa na mawazo mengi ya biashara yanayopita kwenye vichwa vyetu. Hivyo nitaelezea jinsi ya kuchagua wazo moja sahihi la biashara yako.
Pia inawezekana ukawa hauna wazo la biashara hata moja, nitakueleza jinsi ambavyo unaweza kupata wazo bora la biashara yako ya mtandaoni. Hivyo katika hatua hii nitahakikisha umepata wazo la biashara yako kabla ya kuendelea na masomo yanayofuata.
Unapokuwa umepata wazo sahihi la biashara itakusaidia kuhakikisha kuwa unaokoa muda na pesa nyingi iwezekanavyo ambazo ungeweza kuzipoteza kwa kuwa na wazo lisilo sahihi la biashara. Kinachofurahisha sana katika mfululizo wa masomo haya ya Jinsi ya kuanzisha biashara mtandaoni ni kwamba, nitakuwa nikifanya mazoezi haya na wewe, kwa hiyo tutaweza kupata wazo bora na sahihi kwa ajili ya biashara yako.
Katika mfululizo wa masomo haya, tutajifunza masomo yafuatayo:
7. Jinsi ya kushirikisha watu wa karibu wazo lako la biashara.
8. Jinsi ya kutathimini wazo la biashara yako.
9. Jinsi ya kuweka malengo ya biashara yako.
10. Jinsi ya kuweka mikakati na mwelekeo wa biashara yako ( Mind map)
11. Jinsi ya kuboresha mikakati ya biashara yako.
12. Jinsi ya kuweka mfumo wa biashara yako (business model).
13. Jinsi ya kupokea mrejesho wa wateja wako (Connecting for feedback).
14. Jinsi ya kufanya marekebisho kutoka kwenye mrejesho wa wateja wako.
15. Jinsi ya kuweka mwelekeo wa biashara yako.
16. Jinsi ya kuanza kuuza bidhaa yako kabla ya kuitengeneza.
17. Jinsi ya kuboresha biashara yako ya mtandaoni.
18. Jinsi ya kuuza na kulipwa mtandaoni.
19. Jinsi ya kufuatilia wateja ili waweze kununua bidhaa yako mtandaoni.
20. Jinsi ya kukuza biashara yako.
Bonus.
21. Jinsi ya kutengeneza brand na kuwa na tovuti yako ya biashara.
Nimatumaini yangu tutasafiri pamoja kwenye mfululizo wa masomo haya. Kama una maoni au swali lolote usisite kuandika hapa chini. Pia unaweza kuwasiliana nami kupitia simu namba 0752 081669. Asante na karibu kwenye somo linalofuata.
Iwe unaamini au la kwa wakati huu, tambua ya kuwa una uwezo wa kufanya mambo makubwa na ya ajabu katika maisha yako. Mara nyingi, tunachohitaji ili kufanikiwa maishani na kutenda kulingana na uwezo mkubwa tulionao ni kujua tu jinsi ya kuanza, kubaki thabiti katika malengo yetu na kufuata hatua sahihi ili kufikia mafanikio yetu. Hivyo, kwa kufuata mazoea fulani muhimu, utaweza kufanikiwa maishani. Iwe ni katika maisha yako binafsi au kazini, hakuna atakayeweza kuzuia mafanikio yako. Katika makala ya leo nitakushirikisha jinsi ya kuwa na mafanikio makubwa katika maisha. Nitaelezea kwa kina tabia 15 ambazo unapaswa kuwa nazo ili uweze kufikia mafanikio makubwa katika maisha yako.
Jinsi ya kufafanua maana ya mafanikio.
Kila mtu huwa na wazo tofauti la jinsi mafanikio yanavyoonekana au yanavyopaswa kuwa kwake. Kwa hiyo, kufafanua na kupima mafanikio lazima kufanyike kwa mtu binafsi. Kwa mfano kwako, je, mafanikio kwako yanamaanisha mafanikio ya kifedha? Mafanikio ya kihisia? Mafanikio ya kimwili? Au mafanikio ya mahusiano kwenye familia yako?
Iwapo unatafuta jinsi ya kufanikiwa maishani, ni lazima uchukue muda kwanza kufafanua mafanikio katika maisha yako na jinsi yanavyoonekana kwako binafsi. Hii inaweza kuwa tofauti na yale ambayo wazazi wako, wafanyakazi wenzako, familia, au marafiki hufafanua kuwa ni mafanikio. Mahali moyo wako ulipo ndipo msukumo wako na kuridhika huwa vinatokea. Mwisho wa siku, tunatafuta mafanikio kwa sababu tunataka kujisikia kuwa wenye furaha na kukamilika.
Hivyo, jambo la kwanza kabisa ni kujua ni nini kitakachokufanya ujisikie furaha na kukamilika ili kujua ni wapi unahitaji kufanikiwa katika maisha yako. Baada ya hapo, fuata tabia hizi zifuatazo ili ziweze kukusaidia kufanikiwa kwa urahisi na haraka. Haijalishi uko kwenye hatua gani ya maisha , tabia hizi zitakusaidia kufikia malengo yako yote kwa haraka.
Jinsi ya kuwa na mafanikio makubwa katika maisha: Tabia 15 za Kufuata Ili ufanikiwe.
1.Jenga Mtazamo Chanya na thabiti.
Kila jambo au tendo huanza na wazo. Mawazo yako yanapokuwa chanya, kwa kawaida utahisi kuhamasishwa zaidi kuchukua hatua kwenye malengo yako ambayo yanakusukuma kwenye maendeleo na mafanikio. Nguvu ya kufikiri vyema inaweza kubadilisha maisha yako.
Tafiti za kimatibabu zinaonyesha kwamba, kuwa na matumaini na kujaribu kikamilifu kupunguza mawazo hasi kunaweza kuwa na matokeo chanya kwa afya yako. Watu wenye fikra chanya wana uwezekano mdogo wa 13% kupata mshtuko wa moyo kuliko watu wenye fikra hasi, hata miongoni mwa watu ambao wana historia ya familia zenye matatizo ya moyo. Kuwa chanya kunapunguza kiwango chako cha mfadhaiko, hukusaidia kukulinda kutokana na kuvunjika moyo, na hukupa ujuzi bora wa kukabiliana na nyakati zinapokuwa ngumu.
Ili kusaidia kuimarisha mtazamo wako wa matumaini na hivyo kuongeza mtazamo chanya kwenye maisha yako, jaribu kutabasamu mara nyingi zaidi, kuongeza ucheshi maishani mwako na kufanya mazoezi ya kujizungumzia katika upande chanya. Pia, hakikisha unazungukwa na watu wenye mtazamo chanya, unasoma vitabu na kusikiliza muziki na video za mafunzo ambazo zinahamasisha mafanikio kwenye maisha yako.
Mara tu unapofanya uamuzi wa kubadilisha maisha yako kwa kutupilia mbali mapungufu yako yote ya kiakili na kuwekeza nguvu zako, akili yako pamoja na moyo wako kutimiza lengo fulani kubwa, mafanikio ya kweli ni rahisi sana kupatikana.
2.Kuwa na Malengo SMART.
Specific (Maalum): Andika taarifa wazi na fupi ambayo inafafanua kile unachotaka kufikia.
Measurable (Inaweza kupimika): Weka nambari kwenye lengo lako au njia nyingine ya kulipima, kama vile “toa vidokezo 250 vya biashara” badala ya “pata vidokezo zaidi.”
Attainable (Yanayoweza kufikiwa): Hakikisha lengo lako ni gumu lakini linalowezekana kufanikiwa.
Realistic (Husika): Linganisha lengo lako na kile kitakachokufanya ujisikie mwenye furaha na kukamilika maishani.
Time bound (Muda uliowekwa): Amua ni lini utafikia lengo lako na uweke hatua ndogondogo za kufikia lengo lako.
3.Kula Chura (eat a frog).
“Chura” wako ni kazi ngumu zaidi na mara nyingi isiyovutia ambayo unahitajika kuifikia kwa siku. Unapokula chura mapema kabla ya kazi zingine rahisi, itakupatia hamasa ya kuendelea kufanya kazi zingine kwa mafanikio makubwa. Jenga tabia ya kushughulikia kazi kubwa na muhimu zaidi kwanza. Jiulize, “Ikiwa ningetimiza jambo moja tu leo, ni nini kingeleta tofauti kubwa katika mafanikio yangu kwa ujumla?” Tumia kanuni hiyo hiyo kwa malengo malengo unayojiwekea. Hakikisha unajiuliza swali hili: Ni kazi zipi zilizo muhimu zaidi kwenye malengo yangu? Zingatia hizo kwanza.
4.Weka Kipaumbele kwenye Afya Yako ya Mwili.
Ni rahisi kunaswa katika gurudumu lisiloisha la kazi tunazohitaji kuzitimiza kila siku na kuangalia vitu kutoka kwenye orodha yetu ya mambo ya kufanya. Lakini, ikiwa unataka kupata mafanikio, ni muhimu kufanya afya yako ya mwili kuwa kipaumbele chako cha kwanza. Kuwa na afya bora kunakufanya ujisikie vizuri zaidi na hivyo kufikiri vyema zaidi. Pia inakufanya uhisi kuwa na nguvu kimwili na hivyo kuweza kutimiza mambo mengi zaidi.
Baadhi ya watu waliofanikiwa zaidi wamehusisha kuwa na ufahamu wa afya kama moja ya funguo za kufanikiwa maishani. Watu waliofanikiwa sana hutanguliza mbele afya zao za kimwili na kiakili. Hakikisha unakula vyakula vyenye afya na upunguze vyakula na vinywaji visivyofaa. Tengeneza utaratibu wa mazoezi unaojumuisha shughuli za mwili kila siku. Pata pumziko la kutosha ili kuchangamsha akili na mwili wako, jambo ambalo litakusaidia kuwa na matokeo zaidi wakati wa kufanya kazi unapofika.
5.Jiamini Wewe Na Uwezo Wako.
Ikiwa hujiamini, huwezi kufanikiwa . Hivyo ni lazima ujifunze na ujijengee uwezo wa kujiamini. Ili uweze kujiamini, tengeneza orodha ya sifa zote nzuri ulizo nazo. Je, wewe ni mtu unayependa kufuata utaratibu? Je, wewe ni msikilizaji mzuri? Je, unatengeneza mikate bora, unafanya mikutano ya timu yenye tija au unawafanya watu wajisikie vizuri? Je, wewe ni hodari katika kutoa mawazo, au nguvu yako iko katika kuchukua mawazo hayo na kupanga mpango wa utekelezaji? Mojawapo ya njia bora zaidi za kufanikiwa ni kujifunza jinsi ya kujiamini na kuongeza kujiamini kwako.
Kujiamini zaidi hukupa motisha na kukupa ujasiri wa kuchukua hatua kwenye malengo yako. Unapohisi kuvunjika moyo, zingatia yale ambayo umetimiza kwa kutumia vipawa, uwezo, na nguvu ulizo nazo. Unapoamini katika uwezo wako wa kufikia malengo yako, unakuwa na nguvu ya kuvumilia hadi ufanikiwe.
6.Furahia maisha yako!
Wakati mwingine tunaweza kuzidiwa kwa urahisi na msongo wa maisha na mfadhaiko juu ya mambo ambayo tunahitajika kuyafanya. Lakini, ili kuwa na maisha yenye mafanikio, unahitajika kuwa na furaha. Na moja ya njia bora za furaha ni kupata muda wa kufurahia maisha yako.
Utafiti unaonyesha kwamba hata kuweka tabasamu usoni tu hupunguza shinikizo la damu na mapigo ya moyo wakati unapokuwa unakabiliwa na msongo wa mambo. Tenga wakati wa kufurahia vitu ambavyo ni hobby yako. Hii itakusaidia kuchangamsha akili yako na hivyo kuongeza uwezo wa akili yako.
7.Zungumza na watu wengine.
Kuwa na mtu ambayo mtabadilishana mawazo na kusikia maoni jinsi watu wanavyokuchukulia kunaweza kukusaidia sana kufanikiwa. Angalia wale watu unaowaamini na kuwaheshimu ili kupata maoni yao. Wanaweza kuwa marafiki wa karibu au wanafamilia. Ingawa kila mtu atakuwa na maoni juu ya jinsi unavyoendesha maisha yako, maoni ambayo ni muhimu ni kutoka kwa wale ambao wana nia njema kwako.
Huenda ikawa vigumu mwanzoni kupokea ukosoaji wenye kujenga lakini usiruhusu ukosoaji huo ukuvunje moyo bali ukuinue. Ili kupata mafanikio maishani, lazima ukue kila wakati. Kuzungumza na watu wengine unaowaamini kuhusu jinsi unavyofanya maboresho katika maisha yako kunaweza kuleta mabadiliko makubwa katika maendeleo yako.
8.Pata muda wa mapumziko.
Kuchoka kunaweza kutokea haraka unapokuwa ukiendelea kufuatilia malengo yako bila kupumzika. Kuchukua mapumziko ya mara kwa mara kutakuwa na matokeo chanya katika kuelekea kutimiza malengo yako. Ili kupata mafanikio maishani, ni vyema kuwa na muda wa kupumzika ili kupata nguvu mpya. Malengo yako bado yatakuwepo hata baada ya siku moja au hata wiki. Hivyo kuwa mwangalifu usisubiri hadi umalize kazi yako ndiyo upumzike.
Tenga mapumziko madogo katikati ya kazi zako ili uweze kupata nguvu za kuendelea. Ikiwa kazi fulani au hali fulani inasababishia kufadhaika, jiepushe nayo kwa dakika chache. Ondoa mawazo yako kwa kufanya au kufikiria kitu tofauti kabisa kisha baadaye ndiyo uendelee na kazi uliyokuwa unaifanya.
9.Daima Jifunze.
Jaribu kujifunza jambo moja jipya kila siku – iwe katika maisha yako ya binafsi au ya kitaaluma. Tunakua tunapojifunza, hivyo ili kufanikiwa, weka kipaumbele cha kujifunza kadri uwezavyo kila siku. Unapojitolea muda wako kuwa mwanafunzi wa maisha yote, una uhakika wa kupata mafanikio maishani.
Mwanafunzi wa maisha yote huchukua hatua ya kuendelea kujifunza na kuboresha maendeleo yake. Unapojifunza kila wakati, unaongeza ubora wa maisha yako na unaonyeshwa fursa zaidi ambazo zinaweza kusababisha ufanikiwe zaidi.
10.Acha Kujilinganisha Na Wengine.
Kila mtu na kila lengo ni tofauti. Hata kama mtu mwingine anafanya kile unachotaka kufanya, ninyi wawili mko katika hali tofauti za maisha. Kwa hiyo, kufanya ulinganisho wa moja kwa moja sio haki kwako na kwa mafanikio yako ya baadaye. Na unapojaribu kuwa na mtazamo chanya kuhusu maisha yako na chaguzi zako, kulinganisha utofauti wa maisha yako na ya mtu mwingine hakusaidii kukupa motisha ya kutimiza malengo yako. Sherehekea mafanikio ya wengine, lakini endelea kulenga hatua inayofuata katika mpango wako wa malengo ya SMART. Utajisikia umeridhika unapoweka mkazo kwenye maendeleo yako binafsi.
11.Jitume.
Kuridhika hakutakufikisha popote. Wale ambao wamefanikiwa ni wale ambao walijituma kwa viwango vya juu kufikia malengo yao. Unapokuwa katika wakati mgumu, kumbuka “kwa nini” yako. Kwa nini unataka kutimiza lengo lako, litaleta faida gani, litabadilisha vipi maisha yako au ya wale unaowajali? Ikiwa unataka matokeo tofauti na yale unayopata sasa, utahitajika kujituma kufanya mambo kwa viwango vya juu. Matokeo mazuri yanahitaji jitihada.
12.Fanya jambo kwa mwendelezo bila kuacha (stay consistent).
Je, ni mara ngapi umeanza jambo lakini hukulimaliza na hivyo kusababisha kushindwa? Iwapo unataka kufanikiwa, unahitajika kujifunza jinsi ya kuwa thabiti na kuendelea kufanya kila siku — hata katika nyakati ngumu. Mojawapo ya njia bora za kukaa thabiti ni kuandika mpango wako wa kesho usiku uliotangulia. Unapokuwa na orodha iliyo wazi ya mambo ya kufanya na mpango wa saa ngapi utayakamilisha, ni rahisi zaidi kusalia kwenye mstari.
13.Kuwa tayari kwa lolote litakalotokea.
Hata hivyo, hata uwe thabiti kiasi gani, maisha yanaweza kwenda kwa namna ambayo hukutarajia. Ili kufanikiwa katika chochote unachofanya maishani, fikiria kila wakati juu ya kile kinachoweza kutokea ikiwa mambo hataenda kama ulivyokuwa umekusudia. Je, ni hatua gani ungechukua? Kwa kutumia njia hii, wakati huo utakapofika, utakuwa na mawazo sahihi na kujisikia mtulivu, tayari kukabiliana na changamoto moja kwa moja na kufanikiwa.
14.Acha Kutafuta Njia za Mkato.
Wale wanaotafuta njia za mkato hawapendi kujifunza mambo ambayo watu waliofaulu walipata wanapojizatiti kufikia malengo yao na hivyo kufanikiwa maishani. Ikiwa unataka kufikia mafanikio, lazima ufanye kwa njia ya kizamani, ambayo inachukua muda, uvumilivu, na uthabiti.
15.Badilisha tafsiri yako ya Mafanikio.
Baada ya kuwa umetimiza lengo moja ulilokuwa unafikiria kulifanya ili ufanikiwe utapata furaha na kuridhika kwa muda. Baada ya hapo utatamani kufanikiwa zaidi kwenye hatua ya juu zaidi au kwenye lengo lingine. Hivyo tafsiri yako ya mafanikio itahamia kwenye kutamani kufanikiwa kwenye lengo jipya ulilojiwekea. Kwa maneno mengine, kadiri unavyofanikisha lengo moja, ndivyo unavyoweza kufikia malengo yako ya juu zaidi. Mafanikio hujenga kujiamini kwako, nidhamu yako binafsi, na imani kwamba utafanikiwa wakati ujao na kufikia mafanikio ya juu zaidii.
Unaweza Kufikia Mafanikio.
Kwa kutumia kanuni hizi 15, una zana unazohitaji ili kufanikiwa katika lengo lolote ulilopanga kulifikia. Nimatumaini yangu kuwa umepata maarifa ya kutosha kukuwezesha kufanikiwa kwenye malengo yote uliyojiwekea. Kama una swali lolote usisite kuandika hapa chini. Pia unaweza kuwasiliana nami kupitia simu namba 0752 081669. Asante sana na karibu sana kwenye makala zinazofuata.
Fahamu maana ya biashara ya kununua na kuuza mtandaoni (E-Commerce). Je, umekuwa ukijiuliza nini maana halisi ya kufanya biashara na kupata kipato kupitia intanet? Au pengine ulikuwa ukijiuliza maswali mengi kuwa unaanzaje kuuza au kununua kwenye intaneti? Hapa utajifunza na kufahamu maana halisi ya ecommerce na jinsi inavyofanya kazi. Mwisho wa siku utakuwa muuzaji au mnunuaji kupitia intaneti. Na kwa maana hiyo utakuwa miongoni mwa mamilioni ya watu ambao wamekamata fursa za kibiashara kutumia intaneti.
Maana ya Ecommerce.
Maana ya ecommerce ni kitendo cha kuuza au kununua bidhaa na/au huduma kwa njia ya intaneti. Shughuli hii haijaanza leo bali ilianza miaka ya 1960 baada ya kuibuka teknolojia iitwayo Electronic Data Interchange (EDI) ambapo mfumo huo uliwezesha makampuni au watu kuweza kubadilishana hati, hundi au risiti za kibiashara kwa kutumia komputa zilizounganishwa na intaneti. Shughuli hiyo ilishika kasi zaidi kufikia miaka ya 1990 na mwanzo wa 2000. Mfano mwaka 1995, mtandao wa amazon.com ulianzishwa kwa madhumuni ya kuuza vitabu. Mwaka huohuo mtandao wa ebay.com ulianzishwa ukitoa uwezo wa mtu kuuza bidhaa kwa mtu mwingine. Kwa sasa mitandao hiyo imekua sana kulingana na ongezeko la wadau kutoka duniani kote.
Makundi makuu ya ecommerce
1.B2B (Business to Business) Ni mfumo wa biashara unaohusisha wenye viwanda wakiwauzia wafanya biashara wakubwa wanaouza kwa jumla au kiwanda kwa kiwanda wakiuziana au mfanya biashara wa jumla akimuuzia mfanya biashara mwingine auzaye kwa jumla. Mfano wa masoko hayo ya B2B ni kama alibaba.com, made-in-china.com, globalsources.com, na mengine mengi.
2.C2C (Consumer to Consumer) Huu ni mfumo wa kibiashara ya intaneti ambao unahusisha mtu na mtu wakiuziana bidhaa moja au zaidi. Hapa unaweza kuuza au kununua bidhaa ya aina yoyote hata kama ni ndogo na kwa thamani ndogo. Mfano wa masoko haya ni kama aliexpress.com,ebay.com,craiglist.com, etsy.com na mengine mengi.
3.B2C (Business to Consumer) Kundi hili linahusisha wauzaji wakubwa au viwanda kuwauzia makundi ya wateja aina zote. Hapa pia hutumika mifumo ambayo hakuna mtu katikati wa kuweza kumwuliza (hadi ikibidi) kwani kila kitu unakuta kimewekwa bayana na hiyo mifumo. Mfano amazon.com na masoko mengine.
4.C2B (Consumer to Business) Hapa unakuta mtu binafsi (consumer) anaweka bidhaa yake kwa njia ya mnada, kisha makampuni yanashindana dau. Baadae huyu muuzaji binafsi anachagua kampuni gani aiuzie hiyo bidhaa. Mfano wake ni kama elance.com na mengine.
Baada ya kuyaona na kuyatambua hayo makundi ya masoko ya kwenye mtandao, sasa hatua inayobaki ni aidha kujisajiri kwenye soko moja au zaidi kama muuzaji au mnunuaji. Kila soko lina namna yake ya kujiunga na pia lina sera tofauti na jingine. Kwa hali hiyo utakapoamua kujiunga utaangalia kanuni na masharti ya soko husika ili uweze kufanya biashara bila shida yoyote. Pia mifano ya masoko niliyoitoa hapo juu haimanishi kuwa hiyo ndio jumla ya masoko yote duniani, hapana, yapo mengi sana. Ukishaamua kufanya biashara kwa intaneti utagundua masoko na fursa nyingine nyingi zaidi.
Nimatumaini yangu kuwa umepata dondoo ambazo zitakusaidia kuanza kuuza na kununua bidhaa mtandaoni. Kama una swali au maoni yoyote usisite kuandika hapa chini. Pia unaweza kuwasiliana nami kupitia simu namba 0752 081669. Asante sana na karibu katika makala zinazofuata.
Malengo ya kifedha ni mipango au ndoto unazotaka kuzitimiza kwa kutumia pesa zako. Kwa mfano, unaweza kuwa na lengo la kununua nyumba, kusomesha watoto, kustaafu kwa amani, au kusafiri duniani. Malengo haya yanaweza kuwa ya muda mfupi, wa kati, au mrefu, kulingana na muda unaohitajika kuyafikia.
Kuweka malengo ya kifedha ni hatua muhimu katika kujenga msingi imara wa kifedha na kuishi maisha bora. Malengo ya kifedha hukusaidia kujua unachotaka kufanya na pesa zako, kupanga bajeti yako, kuweka akiba, kuwekeza, na kudhibiti matumizi yako. Malengo ya kifedha pia hukupa motisha, mwelekeo, na kipimo cha maendeleo yako.
Hata hivyo, kuweka malengo ya kifedha peke yake haitoshi. Unahitaji pia kuchukua hatua za kuyafikia malengo hayo kwa ufanisi. Hii inahitaji nidhamu, uvumilivu, na ufuatiliaji wa mara kwa mara. Vinginevyo, malengo yako yatakuwa tu ndoto zisizotimia. Katika makala hii nitakushirikisha hatua nne za kufuata ili uweze kuweka malengo ya kifedha na kuyafikia kwa ufanisi.
Jinsi ya Kuweka Malengo ya Kifedha na Kuyafikia kwa Ufanisi.
Ili kukusaidia kuweka malengo ya kifedha na kuyafikia kwa ufanisi, hapa kuna hatua nne rahisi unazoweza kufuata:
Hatua ya 1: Fafanua Malengo Yako ya Kifedha.
Hatua ya kwanza ni kufafanua malengo yako ya kifedha kwa uwazi na usahihi. Hii itakusaidia kujua unachotaka kufikia na kwa nini. Unapofafanua malengo yako, hakikisha kuwa yanazingatia kanuni za SMART, yaani:
Specific: Malengo yako yanapaswa kuwa wazi na maalum, siyo vague au jumla. Kwa mfano, badala ya kusema “nataka kuwa tajiri”, sema “nataka kuwa na akiba ya shilingi milioni 100 kwa miaka 10 ijayo”.
Measurable: Malengo yako yanapaswa kuwa yanayoweza kupimwa, siyo ya kihisia au ya kufikirika. Kwa mfano, badala ya kusema “nataka kuwa mwandishi wa vitabu”, sema “nataka kuandika kitabu chenye kurasa 100”.
Attainable: Malengo yako yanapaswa kuwa yanayoweza kufikiwa, siyo yasiyowezekana au yasiyo na msingi. Kwa mfano, badala ya kusema “nataka kuwa bilionea kwa mwaka mmoja”, sema “nataka kuongeza mapato yangu kwa asilimia 20 kwa mwaka mmoja”.
Relevant: Malengo yako yanapaswa kuwa yanayohusiana na maisha yako, siyo yasiyo na maana au yasiyo na umuhimu. Kwa mfano, badala ya kusema “nataka kuwa na gari la kifahari”, sema “nataka kuwa na gari linalokidhi mahitaji yangu ya usafiri na bajeti yangu”.
Time-bound: Malengo yako yanapaswa kuwa na muda maalum wa kuyafikia, siyo ya milele au yasiyo na kikomo. Kwa mfano, badala ya kusema “nataka kuwa na afya bora”, sema “nataka kupunguza uzito wangu kwa kilo 10 kwa miezi sita”.
Unapofafanua malengo yako kwa kutumia kanuni za SMART, utakuwa na picha wazi ya kile unachotaka kufanya na jinsi ya kukifanya.
Unapounda bajeti yako, hakikisha kuwa unazingatia mambo yafuatayo:
Mapato yako: Hiki ni kiasi cha pesa unachopata kwa kipindi fulani, kama vile mshahara, biashara, miradi, au zawadi. Jumlisha mapato yako yote na uandike kiasi chake.
Matumizi yako: Hiki ni kiasi cha pesa unachotumia kwa kipindi fulani, kama vile chakula, mavazi, kodi, usafiri, bili, au burudani. Orodhesha matumizi yako yote na uandike kiasi cha kila moja.
Akiba yako: Hiki ni kiasi cha pesa unachotenga kwa kipindi fulani, kama vile dharura, uwekezaji, elimu, au malengo mengine. Weka asilimia maalum ya mapato yako kwa ajili ya akiba na uandike kiasi chake.
Tofauti yako: Hiki ni kiasi cha pesa unachobakiza baada ya kutoa matumizi na akiba kutoka kwenye mapato yako. Tofauti yako inaweza kuwa chanya, ikiwa mapato yako ni makubwa kuliko matumizi na akiba, au hasi, ikiwa mapato yako ni madogo kuliko matumizi na akiba. Andika kiasi cha tofauti yako.
Unapounda bajeti yako, lengo lako ni kuwa na tofauti chanya, yaani, kuwa na ziada ya pesa baada ya kugharamia mahitaji yako. Ikiwa una tofauti hasi, yaani, kuwa na upungufu wa pesa baada ya kugharamia mahitaji yako, unahitaji kupunguza matumizi yako au kuongeza mapato yako.
Hatua ya 3: Tenga Asilimia Maalum ya Mapato Yako Kuwekeza
Unapotenga asilimia maalum ya mapato yako kuwekeza, hakikisha kuwa unazingatia mambo yafuatayo:
Lengo lako la uwekezaji: Hii ni sababu au kusudi la kuwekeza pesa zako. Lengo lako la uwekezaji linapaswa kuwa wazi na linalingana na malengo yako ya kifedha. Kwa mfano, unaweza kuwa na lengo la kuwekeza kwa ajili ya kujenga nyumba, kuanzisha biashara, au kustaafu kwa amani.
Muda wako wa uwekezaji: Hiki ni kipindi unachotarajia kuweka pesa zako katika fursa fulani ya kifedha. Muda wako wa uwekezaji unapaswa kuwa unaofaa na unaowezekana. Kwa mfano, unaweza kuwa na muda wa uwekezaji wa muda mfupi, kama vile miezi sita, wa kati, kama vile miaka mitano, au mrefu, kama vile miaka 20.
Hatari yako ya uwekezaji: Hiki ni kiwango cha kupoteza pesa zako unapowekeza katika fursa fulani ya kifedha. Hatari yako ya uwekezaji inapaswa kuwa inayokubalika na inayolingana na faida unayotarajia. Kwa mfano, unaweza kuwa na hatari ya uwekezaji ya chini, kama vile akaunti ya akiba, ya kati, kama vile hisa, au ya juu, kama vile sarafu za kidijitali.
Chaguo lako la uwekezaji: Hii ni fursa au chombo cha kifedha unachotumia kuwekeza pesa zako. Chaguo lako la uwekezaji linapaswa kuwa linalofaa na linaloaminika. Kwa mfano, unaweza kuwa na chaguo la uwekezaji kama vile akaunti ya akiba, hati fungani, hisa, mfuko wa pamoja, au ardhi.
Unapotenga asilimia maalum ya mapato yako kuwekeza, unapaswa kufanya utafiti wa kutosha kuhusu fursa na vigezo vya uwekezaji. Unaweza pia kushauriana na mtaalamu wa fedha au kocha wa maisha ili kupata ushauri na mwongozo.
Hatua ya 4: Fuatilia na Tathmini Maendeleo Yako
Hatua ya nne ni kufuatilia na kutathmini maendeleo yako katika kufikia malengo yako ya kifedha. Hii itakusaidia kujua ikiwa unafanya vizuri au unahitaji kufanya marekebisho. Kufuatilia na kutathmini maendeleo yako kunahitaji kuwa na njia za kupima na kujua matokeo yako.
Unapofuatilia na kutathmini maendeleo yako, hakikisha kuwa unazingatia mambo yafuatayo:
Vipimo vya maendeleo: Hivi ni viashiria au alama unazotumia kuonyesha kiwango cha kufikia malengo yako ya kifedha. Vipimo vya maendeleo vinapaswa kuwa vinavyolingana na malengo yako ya kifedha. Kwa mfano, unaweza kutumia vipimo kama vile kiasi cha akiba, kiasi cha uwekezaji, kiasi cha deni, au kiasi cha mapato.
Muda wa tathmini: Hiki ni kipindi unachotumia kuangalia na kuchambua maendeleo yako. Muda wa tathmini unapaswa kuwa unaofaa na unaoratibiwa. Kwa mfano, unaweza kufanya tathmini kila wiki, kila mwezi, kila robo, au kila mwaka.
Mbinu za marekebisho: Hizi ni njia au hatua unazochukua ili kuboresha au kurekebisha maendeleo yako. Mbinu za marekebisho zinapaswa kuwa zenye ufanisi na zenye kuleta mabadiliko. Kwa mfano, unaweza kubadilisha bajeti yako, kuongeza akiba yako, kupunguza matumizi yako, au kubadilisha uwekezaji wako.
Unapofuatilia na kutathmini maendeleo yako, unapaswa kuwa mkweli mwenyewe na kukubali makosa na changamoto zako. Unapaswa pia kujipa pongezi na kusherehekea mafanikio yako.
Hizi ndizo hatua nne rahisi za kuweka malengo ya kifedha na kuyafikia kwa ufanisi. Kama unavyoona, siyo ngumu sana kama unavyofikiria. Unachohitaji ni kuwa na nia, kuwa na mpango, kuwa na utekelezaji, na kuwa na ufuatiliaji. Ukiyafanya haya, utaweza kufikia malengo yako ya kifedha na kuishi maisha ya ndoto zako.
Sasa ni muda muafaka wa kuchukua hatua. Chukua hatua sasa ili uweze kutimiza malengo yako ya kifedha. Kama una swali lolote au maoni, usisite kuandika hapa chini. Pia unaweza kuwasiliana nami kupitia simu namba 0752 081669. Asante sana na karibu katika makala zinazofuata.
